BIO:

Ég var þriggja ára þegar ég hóf nám í ballett hjá Ballettskóla Sigríðar Ármanns en ég færði mig síðan yfir í Danslistarskóla JSB og útskrifaðist þaðan af framhaldsbraut árið 2024 ásamt því ljúka stúdentsprófi á listdansbraut frá Menntaskólanum við Hamrahlíð. Dansnámið í JSB var margþætt og lærdómsríkt og þar bætti ég við mig fleiri dansstílum eins og nútímadansi og jazzdansi. Á þessum 10 árum þar tók ég þátt í fjölmörgum sýningum og keppnum, auk ýmissa annarra verkefna. Á vormisseri 2025 fór ég í 5 mánaða diplómanám í International dance academy í Kaupmannahöfn og síðan til Los Angeles þar sem ég tileinkaði mér enn fjölbreyttari dansstíla eins og og house, steppdans, hiphop, commercial og heels. Í því námi kynntist ég fjölda fólks frá ólíkum löndum og unnum við metnaðarfull dansverkefni, einstaklings og hópverkefni. Mikið var lagt upp úr því að gera nemendur vana að vinna fyrir framan myndavélar.